文/台灣人權促進會
遊行當天訊息：
2023/02/28 拜二
9:30 日新小學集合（南京西路太原路口）
10:00 行前記者會結束行到天馬茶坊
10:28 獻花儀式
10:30 天馬茶房出發
正式/烏色服裝
- 手語念詩：1947寒冷 ê 春天（陳明仁 作）
1947 年 ê 春天
砲彈四界掃
老母尋無後生
某哭無 ang（ 尫 ）
囝仔 beh 尋老父
Mā 有查某人死 tī 街頭
天公伯仔看袂（bē）過心
雨 kap 血 lām teh 流
- 郭潤庭（2023 228·0記念行動、拆除威權 起造新國家、宣言起草人）
228 ùi 1947 年到今 76 冬 a。當初時 ê 台 湾 人、chitmá 夭閣春幾个？
1947 年 ê 台 湾 人用性命 kā 228 做見證；2023 年 ā、咱是蕃薯仔子、咱到底咁知影 228 是 siáⁿ？
In THBK 課本講 228 是官民衝突、是查緝私菸。咁 ánne？
咱等 40 冬、1987 年、chiah 等着一陣勇敢 ê 台 湾 人 khiā 出來公開談論
228。Hín khiā tī 上頭前个、是鄭南榕先生・李勝雄律師・林宗正牧師甲陳永興
醫師；有閣卡多人足驚、驚甲無法度加入遊行、米 tī 邊仔看隊伍乎軍人警察貢甲流血流滴。Ná 看、目屎 ná 滴、心肝全碎、mā 是不甘愿越頭。
到今、咱台 湾 人夭閣愛 katī 足打拼 chiah 通知影：
Chiah 知影 228 進前咱 kā 中國當做祖國、結果 in 派軍隊坐船來 kā 咱刣。
Chiah 知影 1947 年 ê 中國、tiō 是中國國民黨 ê 中國、中華民國 tiō 是中
國。
Chiah 知影行政院 tiō 是 228 大屠殺 ê 第一現場。
Chiah 知影 228 咱死 2 萬人、是每 300 个人、咱 tiō 失去 1 个。
Chiah 知影 228 咱有人 beh 甲 in 調解；mā 有人堅定武裝反抗。
Chiah 知影咱有 siănpái kā 228 看做革命、咱台 湾 人開始智覺着咱甲中國無仝
國。
Chiah 知影 1987 頭一擺 228 遊行咱 hông 打甲 mimimauhmauh、不閣陳永
興醫師 mā 是講「希望會凍用咱 ê 目屎、kā in 全全血臊 ê 手洗乎清氣。」
咱活 tī 深溝裡、不閣有个人會舉頭看天星。心內有疼甲央望、烏暗裡 tiō 有光。
同時、kanna 疼心夭閣無kàu、因爲咱身軀邊夭有足多人看袂清楚、228 兇手 ê 子孫不 chiah 會當選台北市長。
咱愛 ē記、2023 年、228 兇手 ê 子孫主持「228 事件紀念會」是咱台 湾 人 ê 恥辱。
勿閣講「轉型正義」四字 ā、卡直接 leh。咱應該愛 kā 追究 THBK 植民威權加害者、看做頭等要緊 ê 代志、chiah 通重新起造釘根台 湾 社會 ê 自由民主人權價值。
民進黨完全執政、民生經濟拼死做。全世界因爲中華疫情倒退lu、咱台 湾 相對穩定無簡單。不閣現實是：Tiō 算 ánne、咱選舉 mā 是選輸無半 ⼃ ê 中國黨；根本原因是：咱台 湾 內部對中華民國威權問題實在無kàu 積極來面對。
促轉會成立 à、閣解散 à、咱社會咁有卡公義 ā？無！
228 兇手 ê 子孫當選 tiō 證明促轉會失敗。In 繼承無正義 ê 利益、不bat 道歉反省、不bat hông 追究責任。
加害體制無清算、臭頭仔廟甲慈湖夭閣 chhāi tī hia、講 beh 撤銷罪名有 siáⁿ
意義？THBK 無資格撤銷咱 ê 罪、從開始 in tiō 無資格 kā 咱審判。
Nā 社會有公義、中國黨 tiō 無資格參選。中國黨選嬴 tiō 是鼓勵新中國閣一擺對台 湾 侵門踏戶、228 會閣一擺發生、咱台 湾 社會 ê 民生經濟文化成果閣一擺烏有去、終其尾又閣是無彩工。
中國黨 teh 咱空嘴梭塩、新中國威脅咱 ê 性命、咱台 湾 人 ê 魂魄是 beh
ánchóaⁿ 平安？
轉型正義、轉型正義？正義 tī 叨位？咱愛起造新國家 chiah 有正義。
討眞相、尋公義。咱不通驚爭議、驚無票、咱 lóng 愛看會着 chit 幅遠景：咱
會 ùi 苦難 ê 記池開出上水 ê 花蕊。台 湾 是世界 ê 美麗島、台 湾 是台 湾 人 ê 台湾 ！
知影咱 beh 去 ê 所在、tiō 不驚路歹行。咱、是勇敢 ê 台 湾 人。
天光 hit 工、台 湾 是新閣 独 立 ê 國家。
- 施逸翔秘書長（台灣人權促進會）
（中文版）台灣人權促進會作為一個成立於威權戒嚴時期的人權組織，創會初期必然要起身直接對抗國民黨政權在台灣所施加的各種國家暴力，從二二八事件大屠殺，到後來的白色恐怖時期各種違反自由民主憲政體制的國家作為，這是一段漫長且似乎看不到盡頭的一系列嚴重的人權侵害，而台權會成立的目的，在我們的成立宣言寫得很清楚：「人類一家，只要是人，不論在什麼地方出生，在什麼環境成長，都應該享有人的尊嚴，以及自由平等的生存權利。」台權會的人權工作必須是盡一切努力來捍衛人權，並採取行動對抗來自國家的壓迫。
在那段威權時代，國家暴力看似堅不可摧，但其實充滿弱點，因為侵害人權的國家政府，是最沒有正當性的政權，這種視人命如草芥、踐踏憲政民主程序的政府，只能用充滿鮮血的謊言來塗抹其醜陋不堪的門面，而這就是二二八元兇蔣家政權與國民黨政府的本質。而這也就是為何日前二二八家屬拒絕與蔣萬安台北市長同台後，包括蔣萬安本人、游毓蘭、秦惠珠等國民黨人，還在主張轉型正義過程中最典型最保守反動的論述：忘記過去、台灣社會要向前看，甚至無恥地要求被害者要跟實施國家暴力的集團，進行和解。這就是為何在2023年此時此刻的台灣，在228必須走上街頭拒絕遺忘最重要的理由，因為這個加害政權不但沒有要真誠放下她們沾染無數鮮血的國家暴力政權、甚至當前正在親密地靠攏另一個同樣嚴重違反人權、鎮壓西藏、香港、並對新疆維吾爾人進行種族滅絕的中國政權。
台灣好不容易因為促進轉型正義條例、之前的促進轉型正義委員會、以及促轉會解散後由行政院轉型正義會報正在進行中的各種制度性修法，開始進行一波跌跌撞撞的轉型正義階段，卻到今天還要生活在各種充滿威權痕跡的環境中，以及面對這些內部和外部反民主反人權反自由的政黨與國家，實在令人擔憂。
1987年台灣解嚴前夕的2月4日，由台灣人權促進會會長陳永興醫師、李勝雄律師、《自由時代周刊》創辦人鄭南榕，所發起的「228四十周年和平紀念行動」，要求公布228事件真相與平反，號召人民一起走上街頭，提醒執政當局面對歷史責任。
29年後，蔡瑞月舞蹈社蕭渥廷董事長、基督長老教會林偉聯牧師、以及鄭南榕基金會鄭清華先生，延續前輩們的精神，在2016年首次發起228·0紀念行動，堅持承襲1987年228公義和平日運動，要記取1947年的屠殺事件，也要臺灣人在自己的土地上勇敢走出來，不斷地走，不被虛假的威權遺緒矇住眼睛，看不到不公的歷史，直到公義實現，達於社會平和。
對於當前台灣的內外相逼的處境，就顯得具有重要的歷史意義。在自由與專制，民主與威權對抗的態勢，七十多年來，臺灣人流汗流血的奮鬥，好不容易有今日自由民主的成就，但歷史捉弄人，這樣的奮鬥挑戰重重，現今明顯地，從臺灣內部延伸成台灣中國兩國的在極權與民主價值之間的對抗，我們必須警惕內部有威權利益繼承者，要我們忘了過去，走向未來，是繼續剝奪臺灣人歷史解釋權的另一種228，為此我們應該體認，228屠殺事件的平反，要有徹底的正義，明確地有法務性的𨍭型，定罪加害者，移除一切威權表徵，告慰受害者，撫平臺灣歷史傷痕，若非如此，，我們就一直走，每年走，直到臺灣有公義和平的境界。
- 張小雅理事長（做伙來講台語、SŃG KAH 烏MÀMÀ 好無？協會）
逐个平安、阮是一陣想beh 共囝仔晟養做台 湾 人 ê 台 湾 人家庭。
阮央望咱个囝仔會使治台 湾 話台文 ê 環境大漢、受台 湾 話台文 ê 教育、會使用台 湾 話戀愛用台文寫情批用台文寫 resumes 允頭路。阮希望 in 通自由治台 湾 干焦使用台 湾 話生活生炭。
舊年是阮頭一擺參加 228 遊行。
囝仔參加了後、知影舊年是 228 發生 75 年、in 共我問：
「媽媽、是按盞咱只馬 chiah 來？」
其實我今年本來不敢來、因爲我甲舊年仝 欵 、不知 beh 按盞共囝仔講 228。
我不知 beh 按盞共 in 講我加治不八學過 ê 代志。
遮應該寫入去咱只个民族个靈魂个記池、遮个大屠殺我煞不知 beh 按盞共囝仔講。
閣卡不免講我實在足受氣足見誚。是按盞許个刣咱隻年多人个兇手 ê 子孫只馬閣 leh 共咱統治、做台北市長。咱只馬閣有一間大廟 leh 共許个兇手拜。
我足受氣足見誚。
我不知咱咁有影知影 228 是 siáⁿ？
是一个 túchiah beh 形成个民族乎中國人滅族 ê 大屠殺？
是一陣不知加治是 siáⁿ人、無想beh 做日本人、煞不敢做台 湾 人、乎中國人種族屠殺 ê 歷史？
是台 湾 人乎中國人刣甲不敢繼續做台 湾 人、hām 加治 ê 語言甲文字朗放棄 ê 過去？
是台 湾 人繼續閣自我屠殺、繼續講中國話寫中文做中國人生中國子 ê 生化武器？
我猶原不知 beh 按盞共囝仔講這个代志。
我比舊年閣卡受氣、閣卡無想beh 面對。甚至想講歸氣勿去遊行 ā、勿去着不免受氣不免疼不免艱苦 à。
不閣囝仔講「媽媽、咱無去、着不是 228 à」
我知影眞人多甲我仝 欵 不知 beh 按盞共囝仔講 228。咱會驚、咱嗎驚囝仔會驚。
不閣 hām 囝仔都知影愛面對。
因爲咱愛面對、咱 chiah 知影失去 siáⁿ、咱 chiah 知影咱愛繼續爭取 siáⁿ、咱
愛面對咱 chiah 知影咱 beh kā siáⁿ人討。
不是中國黨愛對台 湾 死出去 niâ、是歸个中華民國植民政府朗愛死出去。
咱無 beh 乎中國人植民、咱無 beh 做政治 ê 中國人、mā 無 beh 做文化 ê 中國人。
咱有咱 ê 歷史、咱 ê 疼。咱愛繼續面對繼續行、咱 ê 歷史甲疼 chiah 通用咱 ê 文字寫入去咱个民族 ê 靈魂內底。
