影片及文字由紀錄片導演紀文章提供
相思寮的土地美擱讚，煞吸引狼毒的財團，政府欲來徵收阮的水田，咱欲抬旗給伊反。
失根的人民 詞曲/紀文章
獻給二林相思寮的鄉親父老,
農村生活簡單亦圓滿
飼牲畜作稼巡田
天公伯仔乎阮一口飯呷
感謝天地的照願
相思寮的土地美擱讚
煞吸引狼毒的財團
政府欲來徵收阮的水田
咱欲抬旗給伊反
鄉親父老心情真操煩
高科技是外希罕﹖
錢攏是那些大公司咧賺
污染遮欲留乎咱
沒顧百姓生存的國家
講什麼發展庄腳
台頂政客嘴角全攏嘴涎
台下警察攢棍仔
我老歲仔坐長途野雞車
來到茫茫台北城
陳情抗議官府這鱸鰻
大官虎看沒半隻
失根人民未來欲按怎
沒田可犁的氏大
科技產業園區虛虛華華
排水有毒土地煞
甘講工業比農漁民卡大
沒米通煮要呷砂
後擺大家攏呷砂
